485. Song--How lang and dreary is the night

by Robert Burns


HOW lang and dreary is the night
When I am frae my Dearie;
I restless lie frae e'en to morn
Though I were ne'er sae weary.


Chorus.--For oh, her lanely nights are lang!
And oh, her dreams are eerie;
And oh, her window'd heart is sair,
That's absent frae her Dearie!


When I think on the lightsome days
I spent wi' thee, my Dearie;
And now what seas between us roar,
How can I be but eerie?
For oh, &c.


How slow ye move, ye heavy hours;
The joyless day how dreary:
It was na sae ye glinted by,
When I was wi' my Dearie!
For oh, &c.
View All poems by Robert Burns


Comment as Guest







Add this widget to your website!


"Top" Lists



"The words you need by the people you admire."

Copyright © 2002-2013 Great Quotes.com


Contact